"ჩემი მოწინააღმდეგე დაუმარცხებელი, მშიერი და ახალგაზრდა ბიჭია" - ალექს ვოლკანოვსკი

18 თებერვალს ალექს ვოლკანოვსკი საჩემპიონო ქამარს კარიერაში მეექვსედ დაიცავს. მისი ტიტულის წართმევას ქართველი "მატადორი" ილია თოფურია შეეცდება. ეს იქება პირველი შემთხვევა, როცა ქართველი UFC-ის ტიტულისთვის იბრძოლებს.

ამ ბრძოლასთან დაკავშირებით გულშემატკივრების აზრი ორად არის გაყოფილი. ბევრი თვლის, რომ ილია თავისუფლად გაიმარჯვებს, ზოგი ფიქრობს, რომ GOAT-ი საკუთარ ქამარს დაიცავს.

შეხვედრამდე 6 დღე რჩება და მოსამზადებელი პერიოდის რთული ნაწილიც უკვე დასრულებულია. მთელი ამ ხნის განმავლობაში ალექსი, საკუთარი YouTube არხის საშუალებით, მზადებას აქტიურად გვაჩვენებდა. ავსტრალიელმა ბოლო ვარჯიში ჩაატარა და ვიდეოში ილიასთან ბრძოლაზეც ისაუბრა.

შეგახსენებთ, რომ იმავე საღამოს მერაბ დვალიშვილიც იბრძოლებს. მისი მეტოქე ჰენრი სეხუდო იქნება. გამარჯვების შემთხვევაში, დიდი ალბათობით, დვალიშვილი სატიტულო ბრძოლასაც მიიღებს.