ბუდაპეშტის მასტერსი: დღე I - ტატამზე 4 ქართველს ვიხილავთ | პრევიუ

4-6 აგვისტოს ჩათვლით, უნგრეთის დედაქალაქი ბუდაპეშტი, ძიუდოს საერთაშორისო ფედერაციის მიერ ორგანიზებულ შეჯიბრს, ბუდაპეშტის მასტერსს უმასპინძლებს, სადაც საქართველოს ნაკრები 15 სპორტსმენით იქნება წარდგენილი. 

4 აგვისტოს, მასტერსის პირველ საშეჯიბრო დღეს ტატამზე მამაკაცებიდან 60 და 66 კგ, ხოლო ქალებიდან 48, 52 და 57 კგ წონითი კატეგორიები იასპარეზებენ. 

60 კგ

60 კგ წონით კატეგორიაში საქართველოს ღირსებას: თემურ ნოზაძე და გიორგი სარდალაშვილი დაიცავენ.

გიორგი სარდალაშვილი მონაწილეობას B ბადეში იწყებს და პირველ ეტაპზე მისი მეტოქე, კორეელი - ვონ ჯინ კიმი იქნება. კორეული ბარიერის დაძლევის შემთხვევაში კი, ახალგაზრდა ქართველი ტალანტი, პორტუგალიელ - როდრიგო კოსტა ლოპესსა და უზბეკ - დილშოდბეკ ბარათოვს შორის გამარჯვებულს შეხვდება. 

რაც შეეხება თემურ ნოზაძეს, მას საკმაოდ რთული ბადე შეხვდა. ნოზაძე პირველივე ეტაპზე ამ წონის ლიდერს, ტაიპეელ - იუნგ ვეი იანგს შეხვდება. 

66 კგ

66 კგ წონით კატეგორიაში საქართველოს ნაკრების ღირსებას - ვაჟა მარგველაშვილი დაიცავს.

ვაჟა მონაწილეობას C ბადეში იწყებს და პირველ ეტაპზე იგი ტაჯიკელ - ნურალი ემამოლის დაუპირისპირდება. ტაჯიკური ბარიერის დაძლევის შემთხვევაში კი მარგველაშვილი, ესპანელ - ადრიან ნიეტო ჩინაროსა და გაერთიანებული საამიროების სახელით მოასპარეზე - ნარმანდახ ბაიანმუხს შორის გამარჯვებულს შეხვდება.

აღსანიშნავია ის ფაქტი, რომ ვაჟა მარგველაშვილს ბადეშ საკმაოდ გაუმართლა და ძიუდოს ექსპერტების აზრით, იგი ამ შეჯიბრზე ერთ-ერთი ფავორიტი იქნება. 

 57 კგ

57 კგ წონით კატეგორიაში საქართველოს დროშის ქვეშ - ეთერ ლიპარტელიანი იჭიდავებს.

ეთერ ლიპარტელიანი C ბადიდან იწყებს ასპარეზობას და იგი პირველ ეტაპზე, ნიდერლანდელ - პლეუნი კორნელისეს შეხვდება. ნიდერლანდელი მეტოქის დამარცხების შემთხვევაში კი, ეთერ ლიპარტელიანის მეტოქე, ჩინელ - ქი ცაისა და იტალიელ - ვერონიკა ტონიოლოს შორის გამარჯვებული იქნება. 

აღსანიშნავია ის ფაქტი, რომ ეთერ ლიპარტელიანს ბადეში უძლიერესი იაპონელი - ჰარუკა ფუნაკუბო ჰყავს, რომელსაც 1/4-ფინალში ეკვეთება. 

წინასწარი შეხვედრები თბილისის დროით 11:00სთ-ზე, ხოლო ფინალური ბლოკი კი 19:00 საათზე დაიწყება.