ბო ნიკალი სავარაუდო მოწინააღმდეგეთა შორის რომან დოლიძეს განიხილავს

ამერიკელი დაუმარცხებელი მებრძოლი ბო ნიკალი მომავალ მეტოქეს ეძებს. საშუალოწონოსანს UFC-ში უკვე 4 გამარჯვება დაუგროვდა და ნელ-ნელა დიდ სახელებსაც ითხოვს. ნიკალმა Pound for Pound podcast-ში საკუთარი მომავლის შესახებ ისაუბრა, სადაც შემდეგ ოპონენტებზე ჰკითხეს.

შეგახსენებთ, რომ ბო ნიკალმა ბოლო ბრძოლაში პოლ კრეიგი დაამარცხა. ჩხუბი არც ისე სანახაობრივი გამოვიდა და ბო ბევრმა გულშემატკივარმა გააკრიტიკა. აქვე იმასაც გეტყვით, რომ ნიკალი დაუმარცხებელია და კარიერაში 7-0 არის.

რაც შეეხება რომანს, მან ბოლო ბრძოლაში კევინ ჰოლანდი დაამარცხა და მოგებათა რიცხვი 14-მდე გაზარდა.