"მინდა ხუთივე რაუნდი სახეში ვურტყა" - უმარი დვალიშვილზე

25 ოქტომბერს აბუ დაბიმ UFC 321-ს უმასპინძლა. ამავე საღამოს იბრძოლა უმარ ნურმაგომედოვმაც. 3-რაუნდიან დაპირისპირებაში უმარმა ბაუტისტა მსაჯების ერთსულოვანი გადაწყვეტილებით დაამარცხა. ბრძოლის შემდეგ, დაღესტნელმა განაცხადა, რომ იდეალურ ვარიანტში მერაბთან რევანში სურს.

შეგახსენებთ, რომ ბოლო ბრძოლა ნურმაგომედოვმა სწორედ მერაბ დვალიშვილთან გამართა. "მანქანამ" უმარი დაამარცხა და ჩემიონის ქამარიც პირველად მასთან დაიცვა. მომავალი ჩხუბი დვალიშვილს 6 დეკემბერს ელის, რომელიც პიოტრ იანთან რევანში იქნება. გამარჯვების შემთხვევაში, დვალიშვილი ტიტულს ერთ კალენდარულ წელში მეოთხედ დაიცავს.