betlive Drift Series მესამე ეტაპი ფოთში გაიმართება

13-14 ივლისს, დრიფტის 5-ეტაპიანი ჩემპიონატის მესამე რბოლა აიღებს სტარტს. „betlive Racing Season 2024“-ის ფარგლებში, ქვეყნის საუკეთესო დრიფტერები, ფოთში შეიკრიბებიან და საქართველოს ჩემპიონობისთვის განაგრძობენ ბრძოლას.

13 ივლისს საკვალიფიკაციო რბოლები გაიმართება, ხოლო 14-ში ფინალური ეტაპი შედგება, რომელსაც ავტოსპორტის მოყვარულები აუცილებლად უნდა დაესწრონ, რათა მაქსიმალური ადრენალინი გამოიმუშავონ და სანახაობრივი დაპირისპირებით უდიდესი სიამოვნება მიიღონ. პარალელურად იქნება გათამაშებები, სადაც მონაწილეები მიიღებენ მაისურებს, კეპებს, სამაჯურებს და სხვა საჩუქრებს. ღონისძიების ფარგლებში ასევე დაგეგმილია დიდ ეკრანზე ევროპის ჩემპიონატის ფინალური მატჩის ჩვენება.

გამომდინარე იქიდან, რომ ქართული სპორტის მხარდაჭერა კომპანიის სტრატეგიის უცვლელი ნაწილია, betlive-სა და Georgian Drift Series-ის კოლაბორაციით, ივენთების სერია „betlive Racing Season“-ს აქტიურად მიმდინარეობს. პარტნიორობის ფარგლებში, კომპანიისა და BMW Club Georgia-ს აქტიური ჩართულობით გაიმართება ავტოივენთები სხვადასხვა მიმართულებით. ივენთები ჩატარდება როგორც თბილისში, ასევე, სხვადასხვა ქალაქში.

შეგახსენებთ, „betlive Racing Season 2024“-ის პირველი ეტაპი 6-7 აპრილს რუსთავის ავტოდრომზე გაიმართა, სადაც გამარჯვებული ირაკლი შალიკაშვილი გახდა. მასთან ერთად პოდიუმზე ალექსანდრე ხეროდინაშვილი და გიორგი კოდუა ავიდნენ. რაც შეეხება მეორე ეტაპს, რომელიც ქუთაისში ჩატარდა, გამარჯვებულებს შორის გიორგი კოდუა, სამსონ წიქარიშვილი და გიორგი გრიგალაშვილი მოხვდნენ.