"არაფერი გარდა სატიტულო ბრძოლისა" - ჯამალ ჰილი

მერაბ დვალიშვილმა MMA-ის სამყარო კიდევ ერთხელ გააოცა. ქართველმა მებრძოლმა 2 წონის ყოფილი ჩემპიონი ჰენრი სეხუდო დაამარცხა. ამ გამარჯვებით მერაბმა რამდენიმე საინტერესო შედეგი დააფიქსირა: დაამარცხა UFC-ს სამი ყოფილი ჩემპიონი, გაუთანაბრდა ალჯოს ზედიზედ მოგებებით თავის წონაში (9), გადავიდა მესამე ადგილზე ყველა დროის თეიქდაუნების რაოდენობით და მოიპოვა ზედიზედ მე-10 გამარჯვება.

მერაბი დიდი ხანია უკვე საჩემპიონო ბრძოლას ითხოვს. ექსპერტების აზრით, სეხუდოს დამარცხების შემთხვევაში დვალიშვილს ტიტულზე აუცილებლად უნდა ეჩხუბა. "მანქანის" გამარჯვებას გამოეხმაურნენ ყოფილი და მოქმედი მებრძოლებიც. მათი უმრავლესობა ექსპერტების აზრს იზიარებს და ამბობენ, რომ ქართველმა ქამარზე უნდა იჩხუბოს.