ანასტასია გუბანოვამ ოლიმპიადაზე გამოსვლა დაასრულა

მილანსა და კორტინაში მიმდინარე ზამთრის ოლიმპიურ თამაშებზე, ფიგურულ ციგურაობაში, ქალთა ინდივიდუალურ შეჯიბრებაში, საქართველოს ნაკრების წევრმა, ანასტასია გუბანოვამ გამოსვლა დაასრულა. გუბანოვამ თავისუფალი პროგრამა წარადგინა და საერთო ჯამში მე-9 ადგილი დაიკავა.

მოკლე პროგრამის შემდეგ, ანასტასიას 71.77 ქულა ჰქონდა და მეექვსე ადგილზე იმყოფებოდა - თავისუფალ პროგრამაში 138.22 ქულა დაიმსახურა და ჯამში ეს 209.99 ქულაა.

ოქროს მედალი ამერიკელმა ალისა ლუმ დაიკავა, მეორე/მესამე ადგილებზე კი იაპონელები - ამი ნაკაი და კაორი საკამოტო გავიდნენ

შეგახსენებთ, რომ ქართული სპორტის ისტორიაში პირველი მედალი (ზამთრის ოლიმპიადებზე) სწორედ ამ თამაშებზე მოვიპოვეთ - ანასტასია მეტელკინასა და ლუკა ბერულავას წყვილმა ვერცხლის მედალი მიიღო.