"ადესანია ან..." დოლიძემ 2 ყოფილი ჩემპიონი გამოიწვია

UFC FIGHT NIGHT-ის მთავარი ბრძოლა რომან დოლიძის დამაჯერებელი გამარჯვებით დასრულდა.

5-რაუნდიან დაპირისპირებაში, დოლიძემ მარვინ ვეტორის შანსი არ დაუტოვა და მსაჯების ერთსულოვანი გადაწყვეტილებით გაიმარჯვა.

რევანშის შემდეგ ქართველმა მებრძოლმა 2 ყოფილი ჩემპიონი, რობერტ უიტეკერი და ისრაელ ადესანია გამოიწვია და მათთან ბრძოლის სურვილი გამოთქვა.

შეგახსენებთ, რომან დოლიძემ UFC-ში ზედიზედ მესამე გამარჯვება მოიპოვა და ვეტორისთან აღებული რევანშის შემდეგ, საშუალო წონის რეიტინგში დაწინაურდება.