ვირტუს ბოლონიამ ანტე ზიზიჩი დაიმატა

"ვირტუს ბოლონიამ", ცენტრის პოზიციაზე გაძლიერების მიზნით, ხორვატი კალათბურთელი, ანტე ზიზიჩი დაიმატა. 26 წლის ცენტრმა ბოლო 2 სეზონი სტამბოლის "ეფესში" გაატარა, იქამდე 2 წელი კი თელ-ავივის "მაკაბაში" ირიცხებოდა.

ვირტუსი ევროლიგის მეორე ადგილზეა 12 მოგებით და 5 მარცხით, თუმცა ბელგრადში ჩატარებული მატჩის შემდეგ, გუნდში ტრავმირებულთა რაოდენობა გაიზარდა.

ზიზიჩი 2016 წლის NBA-ის დრაფტზე "ბოსტონ სელტიკსმა", 23-ე პიკად აირჩია, თუმცა, ხორვატმა NBA-ში ჩატარებული 121-ვე თამაში "კლივლენდ კავალიერსის" რიგებში ითამაშა, სადაც საშუალოდ 6 ქულას და 3.9 მოხსნას აგროვებდ (2017-2020).

2023 წლის ნოემბრის ბოლოს, ზიზიჩმა მარჯვენა ტერფის ტრავმა მიიღო და 3 კვირა დაისვენა, მან ევროლიგის 4 შეხვედრა გამოტოვა. იქამდე ზიზიჩი, ევროლიგის 10 მატჩში, საშუალოდ 8.2 ქულას და 3.2 მოხსნას აგროვებდა, თუმცა გამოჯანმრთელების შემდეგ "ეფესის" როტაციაში დრო ძალაინ შეუმცირდა, მწვრთნელი მას საშუალოდ 4 წუთს ათამაშებდა. თორნიკე შენგელიას ახალი თანაგუნდელი კლუბს 2026 წლამდე შეუერთდა.