ვეზენკოვის სუპერ მატჩი - შვედებმა ბულგარეთის ნაკრების ლიდერი ვერ გააჩერეს

ევრობასკეტის შესარჩევი ეტაპის შეხვედრაში ბულგარეთის ეროვნულმა ნაკრებმა შვედეთს უმასპინძლა და ოვერტაიმში 4-ქულიანი სხვაობით, ანგარიშით 81:77 დაამარცხა (ძირითადი დრო 70:70 დასრულდა).

გამორჩეული მატჩი ჩაატარა ბულგარელთა მთავარმა ვარსკვლავმა, საშა ვეზენკოვმა, რომელმაც 40 ქულას, 18 მოხსნას, 4 შედეგიან გადაცემასა და 2 ჩაჭრას მოუყარა თავი. 29 წლის კალათბურთელმა 14-დან 6 სამქულიანი, 11-დან 7 ორქულიანი და 8-დან 8 საჯარიმო ჩააგდო, მისმა მარგი ქმედების კოეფიციენტმა კი 49 შეადგინა.

5 ტურის შემდეგ ბულგარეთის ნაკრები D ჯგუფის ბოლო, მე-4 პოზიციაზეა. დასკვნითი ტურის შეხვედრას ბულგარელები კვირას, 23 თებერვალს, გერმანიის წინააღმდეგ გამართავენ.