Belive

თურქული გრანდი სანდრო მამუკელაშვილს შეუთანხმდა

1 თვის წინ კალათბურთი
1 წთ

საქართველოს ეროვნული ნაკრებისა და ,,სან ანტონიო სპურსის'' ფორვარდმა, სანდრო მამუკელაშვილმა, კარიერა, შესაძლოა, ,,ფენერბაჰჩეში'' გააგრძელოს. ინფორმაციას თურქული Enganche Sports ავრცელებს.

წყაროს ცნობით, ქართველი კალათბურთელის გადაბირებით, კიდევ ერთი გრანდი - ,,ეფესიც'' ინტერესდება, თუმცა ,,ფენერმა'' მასთან კონტრაქტის დეტალები უკვე შეათანხმა.

როგორც Enganche Sports წერს, სანდროს გაშვება ,,სან ანტონიოსაც'' სურს და ევროპაში გადმოსვლაზე თანახმა თავად კალათბურთელიცაა.

რამდენიმე დღის წინ ბერძნულ მედიაში დაიწერა, რომ მამუკელაშვილის ტრანსფერით ათენის ,,პანათინაიკოსიც'' ინტერესდებოდა.

სანდრო მამუკელაშვილი ,,სან ანტონიოში'' გატარებულ გასულ სეზონში საშუალოდ 9.8 წუთს თამაშობდა და 4.1 ქულას, 3.2 მოხსნასა და 1.1 ასისტს აგროვებდა.

სხვა სტატიები