თორნიკე შენგელიას შედეგიანი მატჩი | ვირტუსი ოლიმპიაკოსთან დამარცხდა

ევროლიგის 28-ე ტურის მატჩში თორნიკე შენგელიას "ვირტუს ბოლონია" "ოლიმპიაკოსთან" 74:69 დამარცხდა.

ქართველმა კალათბურთელმა პარკეტზე 28:13 წუთი გაატარა, რა დროშიც 15 ქულა (10-დან 6 ორქულიანი 60% და 4-დან 3 საჯარიმო), 6 მოხსნა, 4 ასისტი და 4 ჩაჭრა მიითვალა.

შეხვედრაში ყველაზე მეტი 16 ქულა კოსტას პაპანიკოლაუს ჰქონდა.

"ვირტუს ბოლონია" 17 მოგებით და 11 მარცხით ევროლიგის ცხრილში მე-7 პოზიციაზეა. შემდეგ შეხვედრას თორნიკე შენგელიას გუნდი იტალიის ჩემპიონატში "ოლიმპია მილანოს" წინააღმდეგ გამართავს, მატჩი 10 მარტს გაიმართება.