თორნიკე შენგელიას ბრწყინვალე მატჩი | ვირტუსი ცრვენა ზვეზდასთან დამარცხდა

ევროლიგის 31-ე ტურის მატჩში თორნიკე შენგელიას "ვირტუს ბოლონია" "ცრვენა ზვეზდასთან" 94:79 დამარცხდა.

ქართველმა კალათბურთელმა შეხვედრაში 29:21 წუთი ითამაშა და ყველაზე მეტი 25 ქულა დააგროვა, ამასთან მას 4 მოხსნა, 5 ასისტი და 1 ბლოკი ჰქონდა.

მატჩის პირველ მეოთხედში ვირტუსმა ორი ქულით მოიგო, მაგრამ მესამე და მეოთხე მეოთხედებში დამარცხდა, ბოლო გადამწყვეტ მეოთხედშიც ვერ მოახერხა "ვირტუსმა" ჩამორჩენის აღმოფხვრა და დიდი სხვაობით წააგო.

"ცრვენა ზვეზდას" რიგებიდან საუკეთესო ნემანია ნედოვიჩი იყო, თორნიკეს მსგავსად მანაც 25 ქულა დააგროვა.

ევროლიგის ცხრილში თორნიკე შენგელიას გუნდი 17 მოგებით და 14 მარცხით მე-8 პოზიციაზეა. "ვირტუსი" შემდეგ შეხვედრას იტალიის ჩემპიონატში "ბრეშას" წინააღმდეგ ჩაატარებს. მატჩი 25 მარტს გაიმართება.