შერმადინის ბრწყინვალე მატჩი - ტენერიფე დამარცხდა

საქართველოს ეროვნული ნაკრებისა და "ტენერიფეს" 34 წლის ცენტრმა - გიორგი შერმადინმა, "ვალენსიასთან" ბრწყინვალე მატჩი ჩაატარა, თუმცა "ტენერიფე" შინ 8 ქულიანი სხვაობით 86:94 დამარცხდა.

მარცხის მიუხედავად, ორივე გუნდის შემადგენლობაში საუკეთესო ქართველი ცენტრი - გიორგი შერმადინი იყო, რომელმაც პარკეტზე არასრული 23 წუთი გაატარა, სადაც მისი მონაგარი: 19 ქულა, 7 მოხსნა და 3 შედეგიანი გადაცემა იყო.

ამ ყველაფერთან ერთად კი, გიორგი შერმადინი მატჩის საუკეთესო მოთამაშე (MVP) გახდა. 

"ტენერიფე" ესპანეთის ჩემპიონატში განვლილი 2 ტურის შემდეგ, 2 მარცხით ბოლო ადგილზეა. 

კანარის კუნძულელები შემდეგ მატჩს "მურსიასთან" 30 სექტემბერს გამართავენ.