ქუთაისი პერისტერისთან 48 ქულით დამარცხდა

ფიბა ევროპის თასის E ჯგუფის მე-5 ტურში საქართველოს სუპერლიგის მოქმედმა ჩემპიონმა, ქუთაისმა, ბერძნულ პერისტერის უმასპინძლა და 48-ქულიანი სხვაობით, ანგარიშით 53:101 დამარცხდა.

ქუთაისის შემადგენლობაში 11 ქულით, 5 მოხსნით, 1 პასითა და 1 ჩაჭრით ნიკოლოზ სოსელია გამოირჩა. 13 ქულასა და 1 მოხსნას მოუყარა თავი ტაირი ბოიკინმა.

პერისტერის 18 ქულით, 3 მოხსნითა, 2 ჩაჭრითა და 1 შედეგიანი გადაცემით ჯეიკ ვან ტუბერგენმა ულიდერა.

ქუთაისი 1 მოგებითა და 4 მარცხით სატურნირო ცხრილის მე-4 პოზიციაზეა. ქართული გუნდი მომავალ მატჩს ზუსტად 1 კვირაში, 19 ნოემბერს, ბილბაოსთან სტუმრად გამართავს.