NBA-ში ჩატარებული მატჩების რაოდენობით ჯეიმსმა მე-3 ადგილზე გადაინაცვლა

NBA-ის რეგულარული სეზონის შეხვედრაში ,,ლოს ანჯელეს ლეიკერსმა'' ,,პორტლენდი'' 8-ქულიანი სხვაობით, ანგარიშით 110:102 დაამარცხა.

ლებრონ ჯეიმსმა რეგულარულ სეზონში 1542-ე მატჩი ჩაატარა და გამართული შეხვედრების რაოდენობით მე-3 ადგილზე გადაინაცვლა. 40 წლის კალათბურთელმა ვინს კარტერს გადაუსწრო და ახლა მხოლოდ კარიმ აბდულ-ჯაბარსა (1560) და რობერტ პერიშს (1611 ჩამორჩება).

ლებრონმა ,,პორტლენდის'' წინააღმდეგ 40 ქულა, 8 მოხსნა, 4 შედეგიანი გადაცემა, 2 ჩაჭრა და 1 დაფარება მოაგროვა და გახდა პირველი კალათბურთელი, რომელმაც 40 წლის ასაკში 1-ზე მეტი 40-ქულიანი მატჩი ჩაატარა. სუპერვარსკვლავმა 8-დან 4 სამქულიანი, 16-დან 10 ორქულიანი და 8-დან 8 საჯარიმო ჩააგდო.

,,ლეიკერსი'', რომელიც 33 მოგებითა და 21 მარცხით დასავლეთ კონფერენციის მე-5 პოზიციაზეა, მომავალ შეხვედრას კვირას, 23 თებერვალს, ,,დენვერ ნაგეთსის'' წინააღმდე გამართავს.