მილუოკი ბაქსი NBA-ს თასის გამარჯვებულია

NBA-ს თასის ფინალში "მილუოკი ბაქსმა" "ოკლაჰომა სითი თანდერი" 97:81 დაამარცხა და ტიტულს დაეუფლა. მატჩის MVP იანის ანტეტოკუნმპო გახდა, რომელმაც სამმაგი დუბლი გაიფორმა, ბერძენს საოცარი შეხვედრა ჰქონდა, მან 26 ქულა, 19 მოხსნა, 10 ასისტი, 2 ჩაჭრა და 3 ბლოკი მიითვალა.

დემიენ ლილარდმა ჩააგდო 23 ქულა, ხოლო ოკლაჰომელთა რიგებიდან 21 ქულით საუკეთესო შაი გილგეუს-ალექსანდერი იყო.

NBA-ს თასი მეორე წელია რაც იმართება, შარშან ეს ტიტული "ლოს ანჯელეს ლეიკერსმა" მოიგო, მათ ამის გაკეთება "ინდიანა პეისერსთან" მოახერხეს.