"მამუ ძალიან კარგად თამაშობს და დღეს შესანიშნავი სამუშაო გასწია" - ტორონტოს მწვრთნელი

NBA-ს რეგულარული სეზონის მორიგ შეხვედრაში ტორონტო რეპტორსმა იუტა ჯაზი 107:100 დაამარცხა.

სანდრო მამუკელაშვილი მატჩის საუკეთესო მოთამაშე (MVP) გახდა. ქართველ კალათბურთელს შეხვედრა სასტარტო შემადგენლობიდან არ დაუწყია და 30:21 წუთი ითამაშა, მან ამ დროში 20 ქულა (2-დან 2 ორქულიანი, 7-დან 4 სამქულიანი, 4-დან 4 საჯარიმო), 6 მოხსნა და 1 ჩაჭრა მიითვალა.

მატჩის შემდეგ, ტორონტო რეპტორსის მთავარმა მწვრთნელმა დარკო რაიაკოვიჩმა, ქართველი კალათბურთელის შესახებ პრესკონფერენციაზე ისაუბრა. ჟურნალისტმა მამუს გუნდში შეტანილი წვლილის შესახებ კითხვა დასვა, რასაც მწვრთნელის იუმორნარევი პასუხი მოჰყვა, ვრცლად:

ტორონტო რეპტორსი 30 მოგებით და 21 მარცხით აღმოსავლეთ კონფერენციაში მე-5 პოზიციაზეა, მომდევნო შეხვედრას ქართველი კალათბურთელის გუნდი 5 თებერვალს, მინესოტა ტიმბერვულვზის წინააღმდეგ გამართავს.

სანდრო მამუკელაშვილის ყველა ქულა (ვიდეო):