კლეი ტომპსონმა დალასის რეკორდი დაამყარა

NBA-ის რეგულარული სეზონის პირველ შეხვედრაში ,,დალას მავერიქსმა'' ,,სან ანტონიო სპურსს'' უმასპინძლა და 11-ქულიანი სხვაობით, ანგარიშით 120:109 დაამარცხა.

მასპინძელთა რიგებში კლეი ტომპსონის ოფიციალური დებიუტი შედგა, რომელმაც 22 ქულა, 7 მოხსნა, 3 ჩაჭრა და 1 ასისტი მოაგროვა.

კლეიმ მატჩში 6 სამქულიანი ჩააგდო, რაც ,,დალასის'' ისტორიაში დებიუტანტებს შორის რეკორდია.

,,დალას მავერიქსი'' მომავალ შეხვედრას კვირას, 27 ოქტომბერს, ,,ფინიქს სანსთან'' სტუმრად გამართავს.