ჯოელ ემბიდის ბრწყინვალე მატჩი შარლოტის წინააღმდეგ

ნაციონალური საკალათბურთო ასოციაციის (NBA) რეგულარული სეზონის შეხვედრაში, "ფილადელფიისა" და "შარლოტის" დაპირისპირება შედგა.

ფილადელფიაში გამართულ მატჩში ფავორიტის სტატუსით მასპინძლები სარგებლობდნენ და შეიძლება ითქვას, რომ დაპირისპირება ლოგიკური შედეგით, 131:113 დასრულდა.

"ფილადელფიას" გამარჯვებაში ლომის წილი გუნდის ლიდერმა - ჯოელ ემბიდმა დაიდო, რომელმაც პარკეტზე გატარებულ 34:19 წუთში, ბრწყინვალე სტატისტიკა დააფიქსირა. ემბიდმა 53 ქულა, 12 მოხსნა და 3 შედეგიანი გადაცემა დააგროვა და სრულიად დამსახურებულად - მატჩის საუკეთესო მოთამაშე გახდა.