გიორგი შერმადინმა ტენერიფესთან კონტრაქტი კიდევ 1 წლით გაახანგრძლივა

გიორგი შერმადინმა ტენერიფესთან კონტრაქტი კიდევ 1 წლით გაახანგრძლივა, ამის შესახებ კლუბმა ოფიციალურად განაცხადა. ქართველი კალათბურთელი ჩუს ვიდორეტას ხელმძღვანელობით ესპანურ გუნდში მე-5 სეზონს ჩაატარებს.

გიორგიმ ჩემპიონთა ლიგაზე 2023/24 წლების სეზონში საშუალოდ 12.4 ქულა და 4.6 მოხსნა დააგროვა და თავისი გუნდი ფინალში გაიყვანა, სადაც შემდეგ "უნიკახასთან" დამარცხდა. 35 წლის ცენტრმა "ლენოვო ტენერიფესთან" ერთად 2022 წელს ჩემპიონთა ლიგა მოიგო და 2023 წელს საკონტინენტთაშორისო თასსაც დაეუფლა, ის ასევე სამი სეზონის განმავლობაში (2019 წლიდან 2022 წლამდე) ჩემპიონთა ლიგის პირველ გუნდში მოხვდა და 2022/23 წლებში მეორე გუნდში.

გიორგი შერმადინი 2021 და 2023 წლებში ასევე დასახელდა ესპანეთის უმაღლესი ჩემპიონატის საუკეთესო მოთამაშედ.

35 წლის ცენტრმა მაისში ნეკნი მოიტეხა და საქართველოს ნაკრებს ოლიმპიური თამაშების საკვლიფიკაციო ეტაპზე ვერ დაეხმარება.