ფილადელფიამ მაიამის მოუგო და პლეი-ოფში გავიდა

NBA-ის აღმოსავლეთ კონფერენციის პლეი-ინის შეხვედრაში ,,ფილადელფია სიქსერსმა'' ,,მაიამი ჰიტს'' უმასპინძლა და 1-ქულიანი სხვაობით, ანგარიშით 105:104 დაამარცხა. შედეგად, ნიკ ნურსის გუნდმა პლეი-ოფის საგზური გაიფორმა.

,,ფილადელფიას'' 23 ქულით, 15 მოხსნით, 5 შედეგიანი გადაცემითა და 1 ჩაჭრით ჯოელ ემბიდმა ულიდერა. 20 ქულა, 5 მოხსნა და 1 დაფარება იყო ნიკოლა ბატუმის ანგარიშზე.

,,მაიამის'' რიგებში 25 ქულით, 9 ასისტითა და 2 მოხსნით ტაილერ ჰიროუ გამოირჩა.

,,ჰიტს'' პლეი-ოფში გასვლის შანსი ისევ აქვს, ამისთვის ფლორიდულ გუნდს შაბათს ,,ჩიკაგო ბულის'' დამარცხება მოუწევს, რომელმაც დღეს პლეი-ინის მეორე მატჩში ,,ატლანტა ჰოუქსს'' მოუგო.