FIBA Eurobasket 2022 – ევროპის ჩემპიონატში მონაწილე გუნდების სიძლიერე

FIBA Eurobasket 2022-ის დაწყებამდე 48 საათზე ნაკლებია დარჩენილი – იდეალური დროა იმისათვის, რომ ევროპის ჩემპიონატში მონაწილე 24 გუნდის სიძლიერეს გადავხედოთ.

Eurobasket-ზე მონაწილე ქვეყნების აბსოლუტურმა უმრავლესობამ, საკალათბურთო გუნდების შემადგენლობა უკვე გამოაქვეყნა. შესაბამისად, გულშემატკივრებსა და მიმომხილველებს საშუალება მიეცათ გაიგონ, თუ ვისი ნახვა იქნება შესაძლებელი უდიდეს სცენაზე.

Eurobasket 2022-ზე, რომლის თანამასპინძელი საქართველოა, ევროპის 24 რჩეული ნაკრები მიიღებს მონაწილეობას. საკალათბურთო მიმომხილველებმა, სხვადასხვა კრიტერიუმის გათვალისწინებით, ევროპის ჩემპიონატზე მონაწილე 24 ნაკრების რეიტინგი შეადგინეს. სიძლიერის მიხედვით შედგენილი რეიტინგის ფსკერზე (24) ნიდერლანდები აღმოჩნდა, პირველ ადგილს კი სერბეთი იკავებს. ქართველი გულშემატკივრისათვის განსაკუთრებით საინტერესოა, თუ რომელ პოზიციაზეა განთესილი საქართველოს კალათბურთელთა ეროვნული ნაკრები.

საქართველოს ნაკრების კუთვნილი პოზიციის ნახვის შემდეგ, შესაძლოა ზოგიერთ თქვენგანს ობიექტური პროტესტის გრძნობა გაუჩნდეს, თუმცა, გაითვალისწინეთ, რომ ეს მხოლოდ რეიტინგია. ისტორია გვკარნახობს, რომ სტატისტიკა ხშირ შემთხვევაში არ ამართლებს – ქვეყნების რეალურ სიძლიერეს საკალათბურთო პარკეტზე ვიხილავთ.

24 – ნიდერლანდები
23 – დიდი ბრიტანეთი
22 – ბულგარეთი
21 – ესტონეთი
20 – უკრაინა
19 –  ბელგია
18 – უნგრეთი
17 – ისრაელი
16 – საქართველო
15 – პოლონეთი

16 – საქართველო

საქართველომ მოგების გემო ნიდერლანდების დამარცხებით გაიხსენა, მაგრამ ეს გამარჯვება მათ მძიმე ზარალად დაუჯდათ, რადგან მათ დაკარგეს გუნდის ლიდერი - თოკო შენგელია, რომელიც მხრის ტრავმის გამო ნაკრებს ევრობასკეტზე ვერ დაეხმარება. მათ უძლიერეს იტალიასთან მძიმე ბრძოლა გამართეს და საბოლოოდ დაძაბულ ბრძოლაში დამარცხდნენ, თუმცა უძლიერეს იტალიასთან კარგი შთაბეჭდილება დატოვეს და საქართველოს ნაკრების გულშემატკივრებს იმედი გაუღვივეს იმისა, რომ ევრობასკეტზე ბევრ სიურპრიზს შემოგვთავაზებენ.

პერსპექტივა:

კაპიტან შენგელიას დაკარგვა საქართველოსთვის დარტყმაა, თუმცა თბილისში A ჯგუფის მატჩები იმართება და ქართველები მასპინძლები იქნებიან. წესით, ისინი მაინც უნდა გავიდნენ მერვედფინალში, თავიანთი მაღალი ცენტრების ხარჯზე.

13 – ბოსნია და ჰერცოგოვინა
12 – ჩეხეთი
11 – ხორვატია
10 – ფინეთი
9 – თურქეთი
8 – იტალია
7 – ესპანეთი
6 – გერმანია
5 – საფრანგეთი
4 – ლიეტუვა
3 – საბერძნეთი
2 – სლოვენია
1 – სერბეთი

შეგახსენებთ, საქართველო 1 სექტემბრიდან 7 სექტემბრის ჩათვლით კალათბურთში 2022 წლის ევროპის ჩემპიონატს მასპინძლობს. ევრობასკეტ-2022-ის A-ჯგუფის თამაშები, სადაც ესპანეთის, თურქეთის, ბელგიის, ბულგარეთის, მონტენეგროსა და საქართველოს ნაკრები გუნდები იღებენ მონაწილეობას, “თბილისი არენაზე” გაიმართება.