დონჩიჩის ფენომენალური მატჩი - სლოვენიელმა საფრანგეთს 47 ქულა ჩაუგდო
1 წლის წინ
კალათბურთი
1 წთ
ევროპის ჩემპიონატის B ჯგუფის დასკვნითი ტურის შეხვედრაში მოქმედმა ჩემპიონმა, სლოვენიის ნაკრებმა, საფრანგეთი 6-ქულიანი სხვაობით, ანგარიშით 88-82 დაამარცხა.
საოცარი მატჩი ჩაატარა, ლუკა დონჩიჩმა, რომელმაც 47 ქულას, 7 მოხსნას, 5 ასისტსა და 1 ჩაჭრას მოუყარა თავი. ევრობასკეტზე ერთ თამაშში მოგროვებული 47 ქულა ისტორიაში მეორე შედეგია (რეკორდი, 63 ქულა, ბელგიელ ედი ტერასს ეკუთვნის). ლუკამ 12-დან 9 ორქულიანი, 11-დან 6 სამქულიანი და 12-დან 11 საჯარიმო ჩააგდო.
საფრანგეთს 19 ქულით, 8 მოხსნით, 1 ასისტითა და 1 დაფარებით რუდი გობერმა ულიდერა.
სლოვენიამ 4 მოგებითა და 1 წაგებით B ჯგუფში პირველი ადგილი დაიკავა, სწორედ ეს გუნდი დაუპირისპირდება ჩვენი ჯგუფის მეოთხეადგილოსანს.
47 CHICKEN NUGGETS#EuroBasket x #BringTheNoise pic.twitter.com/HQFNbOwNl7
— #EuroBasket 2022 (@EuroBasket) September 7, 2022