ბექა ბურჯანაძის ლეიმა კორუნას ზედიზედ მე-10 გამარჯვება

ესპანეთის მე-2 ლიგა LEB ORO-ში ბექა ბურჯანაძის "ლეიმა კორუნამ" 21-ე ტურის მატჩში "რეალ ბეტისი" 92:78 დაამარცხა და ზედიზედ მე-10 გამარჯვება მოიპოვა.

ქართველმა კალათბურთელმა შეხვედრაში 16:49 წუთი ითამაშა, რა დროშიც 10 ქულა (4-დან 3 ორქულიანი და 4-დან 4 საჯარიმო) და 3 მოხსნა მიითვალა.

მატჩში ყველაზე მეტი 20 ქულა იუნიო ბარუეტას ჰქონდა.

ბექა ბურჯანაძის გუნდი ესპანეთის მე-2 ლიგაში 38 ქულით (17 მოგება და 4 მარცხი) პირველ ადგილზეა, ანალოგიური შედეგი აქვს მეორე ადგილოსან კონკურენტ "ესტუდიანტესს".

შემდეგ ტურში "ლეიმა კორუნა" "კლავიხოს" დაუპირისპირდება, მატჩი 3 მარტს გაიმართება.