NBA-ს დასავლეთ კონფერენციის ფლეიოფის ნახევარფინალური სერიის მე-6 შეხვედრაში ,,ლოს ანჯელეს კლიპერსმა” შინ ,,იუტა ჯაზი'' 131:119 დაამარცხა და სერია დახურა (4:2). შედეგად ლოს ანჯელესური გუნდი კონფერენციის ფინალში ისტორიაში პირველად ითამაშებს.
,,კლიპერსი'' მეორე ტაიმის სტარტზე 25-ქულიანი სხვაობით აგებდა, თუმცა გარდამტეხი სწორედ მესამე მეოთხედი გამოდგა, რომელიც მასპინძლებმა 19 ქულით მოიგეს, ბოლო მეოთხედში კი მეტოქე 15-ქულით დაამარცხეს.
ტაირონ ლუს გუნდს ტერენს მენმა ულიდერა, რომელმაც 36 წუთში 39 ქულა, 2 მოხსნა, 2 ჩაჭრა და 1 ასისტი მოაგროვა. 28 ქულა, 9 მოხსნა, 7 შედეგიანი გადაცემა და 3 ჩაჭრა იყო პოლ ჯორჯის ანგარიშზე.
,,იუტას'' შემადგენლობაში 39 ქულით, 9 მოხსნით, 9 პასითა და 1 ჩაჭრით დონოვან მიტჩელი გამოირჩა.
დასავლეთ კონფერენციის ფინალში ,,ლოს ანჯელეს კლიპერსის'' მეტოქე ,,ფინიქს სანსი'' იქნება, რომელმაც ნახევარფინალში ,,დენვერ ნაგეთსს'' ოთხივე შეხვედრა მოუგო. ფინალური სერიის პირველი მატჩი კვირას, 20 ივნისს გაიმართება.