ზურიკო დავითაშვილის შეფასება პოს წინააღმდეგ

საფრანგეთის ლიგა 2-ში ბოლო ტური გაიმართა, სადაც "ბორდომ" ზურიკო დავითაშვილის 1 გოლის და 2 საგოლე გადაცემის წყალობით "პო" 3:2 დაამარცხა.

ქართველმა ფეხბურთელმა შეხვედრაში შეუცვლელად ითამაშა და Sofascore-სგან ყველაზე მაღალი შეფასება 9.2 დაიმსახურა. როგორც უკვე გითხარით ზურიკომ 1 გოლი გაიტანა და 2 საგოლე გადაცემა შეასრულა, ერთხელ კარში დაარტყა, ერთხელ კარისკენ, ხოლო ერთხელ მისი დარტყმული დაიბლოკა, 7 შესრულებული დრიბლინგიდან 3 წარმატებული იყო, ბურთს ქართველი ფეხბურთელი 76-ჯერ შეეხო, 53 გადაცემა გააკეთა და 47 ზუსტი იყო (89%), 18 ორთაბრძოლაში მიიღო მონაწილეობა და 7-ში გამარჯვებული დარჩა.

"ბორდომ" სეზონი 50 ქულით მე-12 ადგილზე დაასრულა (14 მოგება, 9 ფრე და 15 მარცხი).

ზურიკო დავითაშვილმა 2023/24 წლების სეზონი 8 გოლით და 8 საგოლე გადაცემით დაასრულა.