ზაირ-ემერიმ ბენზემას რეკორდი გააუმჯობესა

ჩემპიონთა ლიგის ჯგუფური ეტაპის დასკვნითი ტურის შეხვედრა ,,დორტმუნდსა'' და ,,პარი სენ ჟერმენს'' შორის ფრედ, ანგარიშით 1:1 დასრულდა.

მატჩში გოლი გაიტანა პარიზული კლუბის ნახევარმცველმა, უორენ ზაირ-ემერიმ, რომელიც 17 წლისა და 280 დღის ასაკში გახდა ყველაზე ახალგაზრდა ფრანგი ფეხბურთელი, ვისაც ჩემპიონთა ლიგაზე გაუტანია.

ზაირ-ემერიმ კარიმ ბენზემას რეკორდი გააუმჯობესა - ,,ოქროს ბურთის'' მფლობელმა 2005 წელს ,,როსენბორგის'' კარი 17 წლისა და 352 დღის ასაკში აიღო.

მიმდინარე სეზონში ,,პსჟ-ს'' ტალანტის ანგარიშზე პარიზული კლუბის მაისურით ჩატარებულ 17 შეხვედრაში 3 გოლი და 5 საგოლე გადაცემაა.