"ყველა მოუთმენლად ველით გიორგის დაბრუნებას" - უოტფორდის მთავარი მწვრთნელი

უოტფორდის მთავარმა მწვრთნელმა, ხავი გრასიამ მატჩისწინა პრესკონფერენცია გამართა, სადაც მოახლოებულ შეხვედრაზე ისაუბრა. ესპანელმა სპეციალისტმა ასევე ყურადღება გაამახვილა გიორგი ჩაკვეტაძის ტრავმაზე და აღნიშნა, რომ სარეაბილიტაციო პროცესი კარგად მიმდინარეობს.

შეგახსენებთ, რომ გიორგი ჩაკვეტაძემ ტრავმა გასულ სეზონში, 5 აპრილს, ბრისტოლის წინააღმდეგ გამართულ გასვლით მატჩში მიიღო, რის გამოც სეზონის ფინალური ნაწილი და 2025/26 წლების სეზონის დასაწყისი გამოტოვა.

დღეს, უოტფორდი ჩემპიონშიპის მე-11 ტურის შეხვედრას ვესტ ბრომვიჩის წინააღმდეგ გამართავს, მატჩი 22:45 საათზე გაიმართება.