"ვნახოთ რა მოხდება მომავალში" - ერიკ ტენ ჰაგი სანჩოზე
ჩემპიონთა ლიგის მიმდინარე სეზონის მეორე 1/2-ფინალურ შეხვედრაში ერთმანეთს "დორტმუნდი" და "პსჟ" დაუპირისპირდნენ. შეხვედრა მასპინძლებმა ერთადერთი გატანილი გოლით მოიგეს, რომლის ავტორი ნიკლას ფიულკრუგი გახდა.
გერმანელთა მხრიდან ერთ-ერთი გამორჩეული იყო ჯეიდონ სანჩო, რომლის შესახებაც მისმა ყოფილმა მწვრთნელმა - ერიკ ტენ ჰაგმა ისაუბრა.
ჯეიდონმა საკმაოდ კარგად ითამაშა. მან მშვენივრად აჩვენა თუ თავის დროზე რატომ იყიდა "მანჩესტერმა". ის "დორტმუნდისთვის" ღირებული მოთამაშეა. ეს ძალიან კარგია. მისი გუშინდელი შესრულებით ძალიან მოხარული ვარ. ვნახოთ რა მოხდება მომავალში. - განაცხადა ერიკ ტენ ჰაგმა
🚨 Ten Hag on Sancho: “Jadon played very good, he showed why Manchester United bought him and he showed he represents a high value for the club. Which is good”.
— Fabrizio Romano (@FabrizioRomano) May 2, 2024
❗️👀 “I'm happy for Jadon, for his performance yesterday and we'll see what is going to happen in the future”. pic.twitter.com/V9uXR9jqgu
შეგახსენებთ, რომ ჯეიდონ სანჩომ "მანჩესტერ იუნაიტედი" ნიდერლანდელ სპეციალისტთან კონფლიქტის გამო დატოვა. ყველაფერი ტენ ჰაგის კომენტარით დაიწყო, როცა განაცხადა, რომ სანჩო სათანადოდ არ იხარჯებოდა. თავის მხრივ, სოციალური ქსელის საშუალებით, ახალგაზრდა ინგლისელმა მწვრთნელს მწვავედ უპასუხა. საბოლოოდ, ჯეიდონს ამ ყველაფრის გამო "წითელი ეშმაკების" დატოვება მოუწია.
სხვა სტატიები
