ვლადიმირ ვაისი: "აქ დაბრუნება ემოციური მომენტია, საქართველო ჩემი მეორე სახლია"

"მოხარული ვარ რომ აქ ვარ. საქართველოში ხუთი წელი ვიცხოვრე და ის ჩემთვის მეორე სახლივით იყო. ბოდიში იმ ფინალური შედეგისთვის, მაგრამ ეს ფეხბურთია. ყველაფერ საუკეთესოს ვუსურვებ საქართველოს. ახლა ჩვენ ოპონენტები ვართ, თუმცა ჩემი ჩამოსვლა აქ ემოციური იყო. მე აქ არა როგორც მტერი, არამედ როგორც მეტოქე ისე ჩამოვედი. ჩაკვე ძალიან ნიჭიერი ფეხბურთელია, ის რამდენიმე წლის წინ არა მხოლოდ ქართული, არამედ ევროპული ფეხბურთის ტალანტად ითვლებოდა. ის თითქმის ორი წელი უფეხბურთოდ იყო ,რასაც მე დიდ სპორტულ ტრაგედიას ვუწოდებ. მე ვუყურებდი მის თამაშს "ჰამბურგში", ახლა კი ძალიან ბედნიერი ვარ რომ ის ჩვენთანაა. როცა ის ფიზიკურად მზადა იქნება, ძალიან გამოგვადგება. "დინამო ბათუმისთვის" უპირატესობის შემნქმნელი ის ფაქტორიცაა, რომ ეროვნული ლიგა მიმდინარეობს, ჩვენთან კი ასე არაა", - თქვა ვლადიმირ ვაისმა.