ვიქტორ ვალდესი ესპანური გუნდის მთავარი მწვრთნელი გახდა

კატალონიის ,,ბარსელონას'' ყოფილი მეკარე, ვიქტორ ვალდესი ესპანეთის მე-4 დივიზიონის გუნდის, ,,რეალ ავილიას'' მთავარ მწვრთნელად დაინიშნა.

კლუბის ოფიციალური ვებგვერდის ცნობით, ვალდესმა ,,რეალ ავილიასთან'' კონტრაქტი მიმდინარე სეზონის ბოლომდე გააფორმა.

ესპანელი მეკარის სამწვრთნელო კარიერა 2018 წელს, ,,მორატალაზის'' ახალგაზრდულ გუნდში დაიწყო, 2019 წელს ვალდესი ,,ბარსელონას'' აკადემიაში მუშაობდა, 2020-2021 წლების სეზონში კი - ,,ორტაში''.

სეგუნდა RFEF-ის პირველი ჯგუფის 32 ტურის შემდეგ, ,,რეალ ავილიას'' 49 ქულა აქვს და სატურნირო ცხრილის მე-4 პოზიციაზეა. ვალდესის დებიუტი გუნდის მთავარი მწვრთნელის პოსტზე კვირას, 27 აპრილს შედგება.