ვიქტორ ოსიმენმა ნაპოლის რეკორდი დაამყარა

სერია A-ს 23-ე ტურში ,,ნაპოლი'' ,,სასუოლოს'' სტუმრად 2:0-ს ამარცხებს. მატჩში ანგარიში ხვიჩა კვარაცხელიამ გახსნა, მეორე გოლი კი ვიქტორ ოსიმენმა გაიტანა.

ნიგერიელმა თავი იტალიის ჩემპიონატის ზედიზედ მე-7 შეხვედრაში გამოიჩინა, რაც ნეაპოლური გუნდის ისტორიაში ყველა დროის საუკეთესო შედეგია.

24 წლის ფეხბურთელმა გონსალო იგუაინის რეკორდი გააუმჯობესა, რომელმაც 2015-2016 წლების სეზონში გოლის გატანა ზედიზედ 6 მატჩში შეძლო.

ოსიმენის ბრწყინვალე სერია 8 იანვარს, ,,სამპდორიასთან'' მატჩში დაიწყო, მას შემდეგ თავდამსხმელმა ,,იუვენტუსს'' (დუბლი), ,,სალერნიტანას'', ,,რომას'', ,,სპეციასა'' და ,,კრემონეზეს'' გაუტანა.