ვინისიუს ჟუნიორს გენეტიკური ტესტის პასუხი მატჩის დაწყებამდე გადასცეს

ბრაზილიის ფეხბურთის კონფედერაციამ (CBF) წამოიწყო კამპანია, რათა წაახალისოს ეროვნული ნაკრების მოთამაშეები, გაიგონ თავიანთი ფესვების შესახებ. ამაში მათ გენეტიკური ტესტირების კომპანია AfricanAncestry.com დაეხმარა.

მადრიდის "რეალისა" და ბრაზილიის გარემარბმა ვინისიუს ჟუნიორმა დნმ-ის ტესტი ჩააბარა. აღმოჩნდა, რომ მისი წინაპრები კამერუნში ცხოვრობდნენ. ამის შესახებ ფეხბურთელს ურუგვაის ნაკრებთან მატჩის წინ (1:1) ოფიციალურად ეცნობა.

ბრაზილიის ფეხბურთის კონფედერაციის ოფიციალური განცხადებით, აღნიშნული ინიციატივა მიზნად ისახავს, დაამტკიცოს საერთო ბრძოლაში ყოფნა ბრაზილიასა და მსოფლიო ფეხბურთში ინკლუზიური საზოგადოების სრულფასოვნად ჩამოყალიბებისთვის.