ვილი სანიოლი: "რა უნდა თქვა, ესპანეთი სხვა პლანეტაზეა"

2026 წლის მუნდიალის საკვალიფიკაციო ეტაპის მესამე შეხვედრაში, საქართველოს ნაკრები ესპანეთთან სტუმრად დამარცხდა (2:0). თამაშის შედეგი მიმდინარეობას ზუსტად არ ასახავს, შეიძლება ითქვას, რომ ჩვენს ნაკრებს გაუმართლა, რომ გაცილებით დიდი ანგარიშით არ დამარცხდა. ესპანელები წარმოუდგენლად დიდ უპირატესობას ფლობდნენ და ქართველებს მცირე შანსიც არ მისცემიათ, რომ თამაშში გარდატეხა შეეტანათ. მატჩის შემდეგ, პრესასთან ვილი სანიოლმა ისაუბრა.

საკვალიფიკაციო ეტაპის E ჯგუფში ესპანეთი პირველ ადგილზეა (სამივე მოგებული მატჩით), მეორე ადგილს 6 ქულით თურქეთი იკავებს, ხოლო მესამეზე საქართველოა 3 ქულით. 14 ოქტომბერს, სწორედ ჩვენი ნაკრები ეწვევა თურქეთს და უპრინციპულეს მატჩს გამართავს, რომლის შედეგმაც, შესაძლოა, ჯგუფში მეორეადგილოსნის ბედი გადაწყვიტოს.