"ვფიქრობ მეინუს შეუძლია ინგლისი აათამაშოს" - პოლ სქოულზი

ევროპის ჩემპიონატზე განვლილი ორი ტურის შემდეგ, ინგლისის ნაკრებს 4 ქულა აქვს. მიუხედავად იმისა, რომ "სამი ლომი" C ჯგუფს ლიდერობს, საუთგეიტის გუნდს ბევრი აკრიტიკებს. კრიტიკის მთავარი სამიზნე გუნდის სათამაშო სტილია.

ინგლისის ნაკრებმა პირველ შეხვედრაში სერბეთი 1:0 დაამარცხა. მეორე შეხვედრაში კი დანიასთან 1:1 ითამაშა.. ექსპერტების უმრავლესობა საუთგეიტის ნაკრების მთავარ პრობლემად ნახევარდაცვას ასახელებს. სწორედ ამ აზრზეა ლეგენდარული პოლ სქოულზიც, რომელიც თვლის რომ მეინუ ყველაფერს მოაგვარებს.

აქვე იმას გეტყვით, რომ მეინუს მიმდინარე ევროპის ჩემპიონატზე მხოლოდ 5 წუთი აქვს ნათამაშები. საუთგეიტმა ახალგაზრდა ფეხბურთელი სერბეთთან შეცვლაზე შემოიყვანა.

შეგახსენებთ, რომ ინგლისს ბოლო ჯგუფური შეხვედრა დღეს, სლოვენიის წინააღმდეგ ელის. მატჩი თბილისის დროით 23:00 საათზე არის ჩანიშნული.