ვალენსიას ზედიზედ 9-მატჩიანი წაუგებელი სერია დაუგროვდა

ლა ლიგის 34-ე ტურში "ლას პალმასმა" "ვალენსიას" უმასპინძლა და შეხვედრა 2:3 დათმო. სეზონის პირველ ნახევარში ვალენსია მეორე ლიგაში გავარდნის კანდიდატად ითვლებოდა, თუმცა უკვე 2 თვეზე მეტია, კარლოს კორბერანის გუნდი შეხვედრას აღარ აგებს და 9-მატჩიანი წაუგებელი სერია დაუგროვდა.

ანგარიში სტუმრებმა უგო დუროს გოლით, 22-ე წუთზე გახსნეს. სანდრო რამირესმა წონასწორობა პენალტის ნიშნულიდან, პირველი ტაიმის დამატებულ წუთზე აღადგინა. მამარდაშვილმა ესპანელს კუთხე ვერ გამოუცნო.

მეორე ტაიმში დურომ დუბლი შეასრულა, ერთი გოლი კი მასპინძლებმა საკუთარ კარში ჩაჭრეს. 83-ე წუთზე ოლივერ მაკბარნის მიერ ვალენსიას კარში გატანილი გოლი ბოლო იყო შეხვედრაში და 'ღამურებმაც' 3 ქულა ჩაიწერეს.

ქართველ მეკარეს მხოლოდ 1 სეივი ჰქონდა, მისი შეფასება 6.2-დან 6.5-დეა.

ვალენსია მე-12 ადგილზეა და მომდევნო ტურში "ხეტაფეს" უმასპინძლებს.