ურუგვაის და არგენტინის ნაკრებებმა ყატარში 1, 800 კილო ხორცი წაიღეს
არგენტინისა და ურუგვაის ნაკრებებმა მსოფლიო ჩემპიონატზე 900-900 კილო ხორცი წაიღეს, რათა მათ მოთამაშეებსა და თანამშრომლებს საკუთარი თავი სახლში ეგრძნოთ.
ურუგვაის საფეხბურთოს ნაკრებისთვის ხორცის მიწოდებაზე, სპეციალურად ქვეყნის ხორცის ეროვნულმა ინსტიტუტმა, INAC-მ იზრუნა.
Argentina and Uruguay's national teams have each taken 2,000 pounds of meat with them to the World Cup so players and staff can have a taste of home in Qatar 🍖 🍽️ pic.twitter.com/daDp1j2zhy
— ESPN FC (@ESPNFC) November 17, 2022
არგენტინა და ურუგვაი მსოფლიოში ხორცის უმსხვილეს მომხმარებლებს შორის არიან. მათ ქვეყნებში ერთ-ერთ ყველაზე პოპულარულ კერძად ასადო ითვლება. აღნიშნული საჭმელი სხვადასხვა სახის ხორცისა და სოსისისგან, გრილზე მზადდება.
არგენტინის ნაკრები მსოფლიო ჩემპიონატის C ჯგუფში საუდის არაბეთის, მექსიკისა და პოლონეთის ნაკრებებთან ერთად იასპარეზებს. სკალონის გუნდი პირველ მატჩს 22 ნოემბერს, საუდის არაბეთის წინააღმდეგ გამართავს.
რაც შეეხება ურუგვაის, მსოფლიოს ორგზის ჩემპიონი ნაკრები 2022 წლის მუნდიალის H ჯგუფში განას, სამხრეთ კორეისა და პორტუგალიის ნაკრებებთან ერთად იასპარეზებს. სამხრეთელები პირველ შეხვედრას 24 ნოემბერს, 17:00 საათზე, სამხრეთ კორეის წინააღმდეგ გამართავენ.
სხვა სტატიები
