უოტფორდი პრესტონთან დამარცხდა - ჩაკვეტაძე საკუთარ გუნდში საუკეთესო იყო

ინგლისის ჩემპიონშიფის მე-8 ტურში ,,უოტფორდი'' ,,პრესტონთან'' სტუმრად 0:3 დამარცხდა.

სტუმართა ძირითად შემადგენლობაში ითამაშა გიორგი ჩაკვეტაძემ, რომელმაც მოედანზე 90 წუთი გაატარა.

ქართველმა ფეხბურთელმა Sofascore-სგან 7.6-ქულიანი შეფასება დაიმსახურა (ყველაზე მეტი უოტფორდის რიგებში).

ჩაკვეტაძემ, რომელიც ბურთს სულ 64-ჯერ შეეხო, 44-დან 41 სწორი გადაცემა გააკეთა (93%) და 11-დან 6 დუელი მოიგო. მისი 5 მცდელობიდან 2 დრიბლინგი წარმატებული იყო.

ასევე ყველაზე მაღალი, 7.1-7.1 ქულით შეაფასა 24 წლის შემტევის თამაში Whoscored-მა და Flashscore-მა.

8 ტურის შემდეგ, ,,უოტფორდს'' 13 ქულა აქვს და სატურნირო ცხრილის მე-8 პოზიციაზეა. ჩაკვეტაძის გუნდი მომავალ შეხვედრას 5 ოქტომბერს, ,,მიდლსბროს'' წინააღმდეგ გამართავს.