უეფამ ლიონს მომავალ სეზონში ევროპა ლიგაზე მონაწილეობის უფლება მისცა

უეფამ ლიონს მომავალ სეზონში ევროპა ლიგაზე მონაწილეობის უფლება მისცა, ამის შესახებ ინფორმაციას კლუბის ოფიციალური გვერდი აქვეყნებს. მათ ევროთასზე მონაწილეობის უფლება აქვთ, მიუხედავად იმისა, რომ DNCG-მ (კონტროლისა და მართვის ეროვნული საბჭო) ფინანსური პრობლემების გამო ფრანგული გუნდი ლიგა 2-ში დააქვეითა.

Foot Mercato-ს ცნობით კლუბის ხელმძღვანელებმა ჯონ ტექსტორმა და მაიკლ გერლინგერმა უეფას კლუბების კონტროლის ორგანოსთვის პირადად ჩაატარეს ფინანსური პრეზენტაციები, რათა ისინი დაერწმუნებინათ და მათთვის მდგომარეობის გამოსწორების გარანტიები მიეცათ. ლიონისთვის ახლა მთავარია, რომ DNCG-ის გადაწყვეტილების გასაჩივრებისას დადებითი შედეგი იქნას მიღებული.