UEFA-მ კარვახალი მკაცრად დასაჯა | ვეტერანი მცველი 2 მატჩს გამოტოვებს
ჩემპიონთა ლიგის პირველ ტურში, 'სამეფო კლუბმა' საკმაოდ მძიმე ბრძოლაში მარსელის წინააღმდეგ, მინიმალური სხვაობით 2:1 გაიმარჯვა.
მატჩის 72-ე წუთზე მოედნიდან დანი კარვახალი გააძევეს, რომელმაც მარსელის მეკარეზე - ხერონიმო რულიზე, არასპორტულად იმოქმედა, კერძოდ კი მას თავი ჩაარტყა, რის გამოც იგი UEFA-მ 2-მატჩიანი დისკვალიფიკაციით დასაჯა.
🚨🚨| Dani Carvajal handed a two match Champions League suspension after his red card vs Marseille while the Real Madrid captain remains sidelined through injury ❌🤍 pic.twitter.com/pMfyuMhiG3
— Goals Side (@goalsside) September 30, 2025
ამ დისკვალიფიკაცის კი მისი ტრავმა ემატება. რეალ მადრიდმა დაადასტურა, რომ გუნდის კაპიტანმა, დანი კარვახალმა, ატლეტიკო მადრიდთან მარცხის დროს (5:2), მარჯვენა ფეხის კუნთის ტრავმა მიიღო. 32 წლის ფეხბურთელი, სავარაუდოდ, დაახლოებით ოთხი კვირის განმავლობაში ვერ ითამაშებს და ლაზარეთში ტრენტ ალექსანდრ-არნოლდს შეუერთდება. ალექსანდრ-არნოლდი, რომელიც ბარძაყის კუნთის ტრავმის შემდეგ გამოჯანმრთელებას ცდილობს, ნოემბრის ბოლომდე ვერ დაბრუნდება, რის გამოც რეალს მარჯვენა მცველის პოზიციაზე მოთამაშე აღარ ჰყავს.
ჩემპიონთა ლიგის მე-2 ტურში, მადრიდის რეალი ქაირათს ესტუმრება. მატჩი 20:45 საათზე დაიწყება.
სხვა სტატიები
