"უდიდესი ცირკი, რომელიც ოდესმე მინახავს" - მასკერანო არგენტინის გაუქმებულ გოლზე
ოლიმპიადის საფეხბურთო ტურნირი სკანდალით დაიწყო - არგენტინის ნაკრებმა მაროკოს 106-ე წუთზე გატანილი გოლით გაუთანაბრა, თუმცა მატჩის მსაჯი გოლის გადასამოწმებლად გაემართა. ამ დროს მოედანზე მაროკოელი ფანები შეიჭრნენ და ფეხბურთელებს მინდვრის დატოვება მოუწიათ.
მატჩი, რომლის დასრულებამდეც 2 წუთი იყო დარჩენილი, დაახლოებით 2 საათის შემდეგ, ცარიელი ტრიბუნების ფონზე განახლდა და არგენტინელთა გოლი თამაშგარის გამო გაუქმდა. საბოლოოდ, დაპირისპირება მაროკოელთა გამარჯვებით, ანგარიშით 2:1 დასრულდა.
მომხდარ ინციდენტს, არგენტინის ოლიმპიური საფეხბურთო ნაკრების მთავარი მწვრთნელი ხავიერ მასკერანო გამოეხმაურა, რომელმაც აღნიშნა, რომ მსგავსი რამ არასდროს უნახავს.
დაუჯერებელია, ეს არის უდიდესი ცირკი, რომელიც ოდესმენ მინახავს. - ხავიერ მასკერანო.
Javier Mascherano's reaction after Argentina ended up losing their opening match at the Olympics to Morocco 2-1.
— ESPN FC (@ESPNFC) July 24, 2024
The game was suspended after Argentina made it 2-2 in the 16th minute of added time, and after more than an hour they brought back both teams and deemed Argentina's… pic.twitter.com/hv1AzFZrwp
არგენტინის ოლიმპიური ნაკრები მომავალ შეხვედრას 27 ივლისს ერაყის წინააღმდეგ გამართავს, მაროკოელები კი ამავე დღეს უკრაინას დაუპირისპირდებიან.
