U21 | საქართველოს ნაკრები ევროპის ჩემპიონატის შესარჩევი ეტაპის პლეი-ოფში გავიდა

ევროპის ჩემპიონატის საკვალიფიკაციო ეტაპის ბოლო ტურში საქართველოს 21-წლამდელთა ნაკრებმა ჩრდილოეთ მაკედონიას უმასპინძლა და 2:1 დაამარცხა.

რამაზ სვანაძის გუნდმა დღევანდელი გამარჯვებით შვედეთს გადაუსწრო და ჯგუფში 19 ქულით მე-2 ადგილი დაიკავა.

შედეგად, საქართველოს ახალგაზრდულმა ნაკრებმა ისტორიაში პირველად ჯგუფური ეტაპი დაძლია და პლეი-ოფში თამაშის უფლება მოიპოვა, სადაც გამარჯვების შემთხვევაში, ევროპის ჩემპიონატის საგზურს გაიფორმებს.

საქართველოს გარდა, პლეი-ოფში კიდევ 5 ნაკრები ითამაშებს და სულ 3 საგზური გათამაშდება. მატჩები მიმდინარე წლის 11-19 ნოემბერსაა ჩანიშნული.

ნაკრებები, რომლებსაც ევროპის ჩემპიონატის საგზური უკვე გაფორმებული აქვთ:

• სლოვაკეთი (მასპინძელი)

• ნიდერლანდები

• ესპანეთი

• პორტუგალია

• გერმანია

• დანია

• უკრაინა

• ინგლისი

• რუმინეთი

• პოლონეთი

• სლოვენია

• საფრანგეთი

• იტალია