"თუ ვულვზი სერიოზულად აპირებს მისთვის შეთავაზების გაკეთებას, ეს უნდა იყოს საკმაოდ დიდი" - უოტფორდის გულშემატკივარი

გიორგი ჩაკვეტაძის "ვულვზში" შესაძლო გადასვლასთან დაკავშირებით, "უოტფორდის" ერთ-ერთმა ქომაგმა, ჯასტინ ბიტიმ თავის პოდკასტში ისაუბრა და ყურადღება გაამახვილა იმ თემაზე, თუ რამდენად მნიშვნელოვანი ფეხბურთელია ჩაკვე გუნდისთვის, სტატიას Football league world აქვეყნებს.

შეგახსენებთ, ცოტა ხნის წინ ბრიტანულმა გამოცემა The Sun-მა ინფორმაცია გამოაქვეყნა, რომ "უოტფორდისა" და "ლიდსის" შეხვედრაზე "ვულვზის" სკაუტები იმყოფებოდნენ და ქართველი ფეხბურთელის თამაშს აკვირდებოდნენ. წყაროს ცნობით "უოტფორდს" ფეხბურთელის სანაცვლოდ 20 მილიონი ფუნტი სურს.

გიორგი ჩაკვეტაძე "უოტფორდში" 2023 წლიდან ასპარეზობს, სულ 50 შეხვედრაში მიიღო მონაწილეობა და 2 გოლი გაიტანა და 6 საგოლე გადაცემა გააკეთა.