ტროსტ-ეკონგი აფრიკის ერთა თასის საუკეთესო მოთამაშედ დასახელდა

2024 წლის აფრიკის ერთა თასი კოტ-დ'ივუარის გამარჯვებით დასრულდა. ფინალურ დაპირისპირებაში, ტურნირის მასპინძლებმა ნიგერია 2:1 დაამარცხეს და აფრიკული ფეხბურთის უპრესტიჟულეს ჯილდოს დაეუფლნენ.

მიუხედავად იმისა, რომ აფრიკის ერთა თასი კოტ-დ'ივუარის გამარჯვებით დასრულდა, ტურნირის საუკეთესო მოთამაშედ ნიგერიელი უილიამ ტროსტ-ეკონგი დასახელდა. ტროსტ-ეკონგმა ტურნირზე 6 მატჩში მიიღო მონაწილეობა, 3 გოლის გატანა შეძლო და ნიგერიისთვის ფინალის საგზურის მოპოვებაში ლომის წილი დაიდო.