ნიგერიის ფეხბურთელებმა ლიბიის აეროპორტში 16 საათი საკვების და წყლის გარეშე გაატარეს

ნიგერიელ ფეხბურთელებს ლიბიასთან მატჩში მონაწილეობა არ სურთ. მიზეზი ნიგერიიის საფეხბურთო ნაკრების უცნაურ სიტუაციაში აღმოჩენაა. მათ შორის დაპირისპირება აფრიკის ერთა თასის ეგიდით ხვალ, 15 ოქტომბერს უნდა ჩატარებულიყო, მაგრამ როგორც ჩანს გადაიდება, რადგან როდესაც ნიგერიელი ფეხბურთელები ლიბიაში, ბენღაზის აეროპორტში ჩაფრინდნენ მასპინძელმა ქვეყანამ სტუმართა გუნდისთვის ტრანსპორტი ვერ გამოყო, რომ გუნდი აეროპორტში წაეყვანა.

აღსანიშნავია თავდაპირველი ამბავი, ნიგერიელები ალ-აბრაკის საერთაშორისო აეროპორტში უნდა დაშვებულიყო, მაგრამ პილოტმა გეზი იცვალა და თვითმფრინავი ბენღაზის აეროპორტში დასვა, საიდანაც სასტუმრო 3 საათის სავალზეა. მას შემდეგ ნიგერიელმა ფეხბურთელებმა აღნიშნულ აეროპორტში 16 საათი გაატარეს, სადაც არ ჰქონდათ არც საკვები, არც წყალი და არც წვდომა ინტერნეტზე და შეზღუდული იყო ყველანაირი კომუნიკაცია. საბოლოოდ, ლიბიის ფეხბურთის ფედერაციამ სტუმართა ნაკრებთან ავტობუსი გააგზავნა, რომელშიც ყველა ფეხბურთელი ფიზიკურად ვერ ჩაეტეოდა, ავტობუსის მოცულობის ვიდეო სოციალურ ქსელში ქვეყნდება.

მას შემდეგ ნიგერიისა და ლიბიის ფეხბურთის ფედერაციებს შორის მოლაპარაკებები გაიმართა და მათ უარი თქვეს თამაშში მონაწილეობაზე, როგორც ჩანს ეს ასეც იქნება, რამდენი ხნით გადაიდება მატჩი ეს უცნობია.

აღნიშნულ ფაქტს სოციალურ ქსელში გამოეხმაურა ნიგერიელი ვარსკვლავი ვიქტორ ოსიმენი და თავის ნაკრებს მხარდაჭერა გამოუცხადა, ასევე თქვა, რომ აფრიკის ერთა თასმა ეს საკითხი უნდა განიხილოს.