Transfermarkt: "მომავალი ვარსკვლავი კვარაცხელიას ქვეყნიდან, რომელსაც ბუნდესლიგაში თამაში ელის"

მსოფლიოს ერთ-ერთი ყველაზე პრესტიჟული სტატისტიკური და სატრანსფერო კომპანია Transfermarkt-ი, "დინამო თბილისიდან" მიუნხენის "ბაიერნში" გადაბარგებული ახალგაზრდა ნიჭიერი ქართველი ფეხბურთელის, ლუკა პარკაძის შესახებ საინტერესო გამოცემას აქვეყნებს, რომლის სათაურიც ასეთია: "ლუკა პარკაძე: მიუნხენის ბაიერნის შემდეგი ახალგაზრდა ვარსკვლავი, რომელიც "ნაპოლის" ვარსკვლავ ხვიჩა კვარაცხელიას შეადარეს".

ქართული ფეხბურთის ნიჭი გერმანულ ფეხბურთში 2000-იან წლებამდე გიჟურად მოქმედებდა. "ფრაიბურგს" არ შეეძლო უარი ეთქვა ლევან კობიაშვილის, ალექსანდრე იაშვილის, ლევან ცქიტიშვილისა და გიორგი კიკნაძის მსგავს ფეხბურთელებზე. ხშირად ოთხივე ერთ გუნდში ერთდროულად თამაშობდა.

თუმცა, მას შემდეგ რაც ლევან კობიაშვილმა ბერლინის "ჰერტაში" 2014 წელს კარიერა დაასრულა, გერმანიის ტოპ-ლიგა ამ ქვეყნიდან ვარსკვლავის გარეშე დარჩა. ეს, მიუნხენის "ბაიერნის" წყალობით, შესაძლოა შეიცვალოს.

17 წლის ნიჭიერ ლუკა პარკაძეს, რომელიც თბილისის "დინამოდან" იანვრის სატრანსფერო ფანჯრისას "ბაიერნს" შეუერთდება, დებიუტი საქართველოს ჩემპიონატში აგვისტოში ჰქონდა, როგორც ერთ-ერთს იმ მრავალ ახალგაზრდას შორის, ვინც კლუბის ახალგაზრდული სტრუქტურიდან უმაღლეს გუნდში მოხვდა.

პარკაძე ყველაზე საშიში და ძლიერია ბურთიანად, როდესაც მას საშუალებას აძლევენ გამოიყენოს თავისი დახვეწილი ტექნიკური შესაძლებლობა მარჯვენა ფეხით პასების გაკეთების დროს.

მას ასევე აქვს შესანიშნავი ძალა და სისწრაფე. სწორედ ამიტომ განათავსეს იგი ფლანგებზე, რათა სრულად გამოეყენებინა აღნიშნული ნიჭი, თავისი ამჟამინდელი კლუბის პირველ ოთხ მატჩში.

მიუხედავად იმისა, რომ ახალგაზრდა მოთამაშემ ვერ შეძლო გოლის გატანა ან საგოლე გადაცემის გაკეთება ბოლო რამდენიმე მატჩში, მან აშკარად გამოიწვია ყველა სახის პრობლემა მოწინააღმდეგე მცველებისთვის.

უკვე გაკეთდა შედარება თანამემამულე თბილისური კლუბის კიდევ ერთ აღზრდილ და "ნაპოლის" ამჟამინდელ ვარსკვლავ ხვიჩა კვარაცხელიასთან", - წერს Transfermarkt-ი.