ტონალის აგენტი: ,,ნიუკასლი სანდროსთვის იდეალური პროექტია''

სანდრო ტონალის აგენტმა, ჯუზეპე რიზომ, იტალიელი ფეხბურთელის ,,ნიუკასლში'' გადასვლაზე ისაუბრა:

,,ეს შესანიშნავი გარიგებაა, ნიუკასლი ტონალისთვის იდეალური პროექტია. გუნდს სანდროს გადაბირება ნებისმიერ ფასად სურდა.

ტონალი ,,ნიუკასლის'' საკვანძო ფეხბურთელი გახდება. ეს გარიგება, ასევე, ,,მილანისა'' და ,,ბრეშას'' ფინანსებსაც წაადგება,'' - განაცხადა რიზომ.

,,მილანი'' სანდრო ტონალის სანაცვლოდ ,,ნიუკასლისგან'' 70 მილიონ ევრომდე მიიღებს.

23 წლის ნახევარმცველმა გასულ სეზონში ,,როსონერის'' მაისურით ჩატარებულ 48 შეხვედრაში 2 გოლი გაიტანა და 10 საგოლე გადაცემა მიითვალა.