The Best FIFA - წლის საუკეთესო თერთმეტეული და სხვადასხვა ნომინაციაში გამარჯვებულები

ფიფას ორგანიზებით, კატარის დედაქალაქ დოჰაში, გასული წლის საუკეთესო ფეხბურთელის დაჯილდოების ცერემონიალი - The Best გაიმართა.

გამარჯვებული ეროვნული ნაკრებების კაპიტნების, მთავარი მწვრთნელების, სპორტის ჟურნალისტებისა და გულშემატკივრების გამოკითხვის შედეგად გამოვლინდა.

საუკეთესოდ ბრაზილიის ეროვნული ნაკრებისა და მადრიდის ,,რეალის'' შემტევი, ვინისიუს ჟუნიორი დასახელდა.

ვინისიუსმა გასულ სეზონში ,,სამეფო კლუბის'' მაისურით ჩატარებულ 39 შეხვედრაში 24 გოლი გაიტანა და 11 საგოლე გადაცემა მიითვალა. 24 წლის ფეხბურთელმა წელს ჩემპიონთა ლიგის, ლა ლიგის, ესპანეთის სუპერთასისა და ევროპის სუპერთასის მოგება შეძლო.

• ფიფას ვერსიით (მას შემდეგ, რაც დაჯილდოება ამ სახით ტარდება) საუკეთესოდ ყველაზე მეტჯერ, სამჯერ, მესი დაასახელეს. ამ მხრივ, მეორე ადგილს რონალდუ და ლევანდოვსკი იყოფენ.

• 2024 წლის საუკეთესო თერთმეტეული - ემილიანო მარტინესი, დანი კარვახალი, ანტონიო რუდიგერი, უილიამ სალიბა, რუბენ დიაში, როდრი, ტონი კროოსი, ჯუდ ბელინგემი, ლამინე იამალი, ერლინგ ჰოლანდი, ვინისიუს ჟუნიორი.

• 2024 წლის საუკეთესო მეკარე - ემილიანო მარტინესი

• 2024 წლის საუკეთესო მწვრთნელი - კარლო ანჩელოტი

• 2024 წლის საუკეთესო გოლის ავტორი - ალეხანდრო გარნაჩო