ტენ ჰაგი: "ბაიერნის დაჩაგვრა შეგვიძლია და ეს ამ სეზონში არაერთხელ დავამტკიცეთ..."

12-13 დეკემბერს, ჩემპიონთა ლიგის ჯგუფური ეტაპის ბოლო მატჩები გაიმართება. მეექვსე ტურის ერთ-ერთი მთავარი და ცენტრალური მატჩი მანჩესტერში შედგება, სადაც "მანჩესტერი" მიუნხენის "ბაიერნს" დაუპირისპირდება.

აღსანიშნავია ის ფაქტი, რომ "ბაიერნს" პლეი-ოფის საგზური გარანტირებული აქვს, ხოლო "წითელ ეშმაკებს" ჯგუფიდან გასასვლელად გერმანული გრანდის დამარცხება და "კოპენჰაგენი" - "გალათასარაის" მატჩში ფრე ჰყოფნის. იმ შემთხვევაში თუ "მანჩესტერი" "ბაიერნს" დაამარცხებს, ხოლო ჯგუფის სხვა დაპირისპირებაში მატჩი ფრედ არ მორჩება, "წითელი ეშმაკები" ჯგუფში ჩარჩებიან.

უმნიშვნელოვანესი მატჩის წინ, ინგლისური გრანდის თავკაცმა - ერიკ ტენ ჰაგმა, საკუთარი კლუბის შანსები შეაფასა.

შეგახსენებთ, რომ ჩემპიონთა ლიგის A ჯგუფში, განვლილი 5 ტურის შემდეგ 13 ქულით "ბაიერნი" ლიდერობს, მეორე-მესამე პოზიციას "კოპენჰაგენი" და "გალათასარაი" 5-5 ქულით იყოფენ, ხოლო ბოლო ადგილზე 4 ქულით "მანჩესტერ იუნაიტედი" იმყოფება.

"მანჩესტერისა" და "ბაიერნის" დაპირისპირება 12 დეკემბერს, თბილისის დროით 23:55 საათზე შედგება.